ازاي تعملي أحلى بهارات من قشر ورؤوس الجمبري ؟

--> بسم الله الرحمن الرحيم
السلام عليكم ورحمة الله وبركاته

أهلا يا أحلى بنات في أحلى دنيا طبعا الموضوع خلاكم مستغربين مش كده ؟
متستغربيش الطريقة دي  ناس كتير مجربينها وان شاء الله تجربيها وتعجبك برضو  كده نعرف نستفيد من الجمبري كله ومنرميش منه حاجة مش كده برضو ولا ايه 
يللا نشوف سوا هنعمل ايه طبعا اللي قدامكم في الصورة ده البهارات بعد ما هنعملها 



ممكن تعملي بيها مكرونة أسباجتى بالجمبرى والسبيط أو أي أكلة عاوزة تعمليها بطعم الجمبري
اعملي السمك ورشي

الارز الاحمر معلقة حيخلية روعة
اي سمك صنية مقلي بوري انسي الطعم
مكرونة بالجمبيري رشي
شيبسي بالنكهات
سبيط
شوربة سي فود
التوابل هتخلي الريحة جنان

واتجربت على الشيبسى اول ما تطلعيه من الزيت رشي عليه من البهارات دي
مقولكيش شيبس بالجمبري عجب
جمبرى جمبرى يعني ههههههههههه
مش قادرة أقولكم على الطعم والريحة فرق اد اية بالبهارات دى
والله ريحة جااامدة والطعم توووحفة.




هتجيبى اى كمية جمبرى تقشريها وتستخدمى الجمبرى نفسة فى اى وصفة بتحبيها وهتأخدى الرؤوس





فى مصفى تغسليها وتصفيها



وتسبيها تنشف فى الهوا يوم كامل انا علشان الريحة حطيت المصفى برة شباك المطبخ.
تانى يوم هتولعى الفرن وهتجيبى صينية تحطى فيها الرؤوس المجففة تسبيهم نص ساعة وبعدين تطلعيها تبرد خالص
وفي الكبة تطحنيها جااامد




انا بعد ما طحنتها رحت حطتهم فى مصفى صغيرة وتنخليهم علشان تاخدي بس الناعم والباقى ترميه يعني الخشن علشان مش يضايق فى الاكل.


ممكن تضيفي البهارات دي بس ((كمون/بابريكا/بهارات سمك))

وممكن تضيفي دول أفضل   :


1.زر الورد
2.كمون
3.شطة
4.فلفل أسود
5.كركم
6.ملح
7.كزبرة
8.زنجبيل بودرة
9.بهار كارى
10.توم بودرة




وتطحني مرة تانية جاااامد جدا لحد ما كله يبقى نااااعم والريحة هتطلع جاااااااااااااااااامدة جداا ان شاء الله 


سلام يا بنات استنوا مواضيعنا الجديدة دايما في أحلى دنيا هتلاقو كل جديد وجربو الوصفة وقولولي رأيكم ايه وبالهنا والشفا
-->