الجمعة، 2 نوفمبر، 2012

طريقة عمل كعب الغزال قراقيش بالعجوة تاخد العقل

-->

بسم الله الرحمن الرحيم 

السلام عليكم ورحمة الله وبركاته 


عايزة تعرفي ازاي تعملي أحلى كعب غزال وقراقيش بالعجوة تعجب أي حد يذوقها تعالي انا جايبة لك وصفة متجربة ومتخيبش 
هتعجبك وتعجب كل اللي يدوقها ان شاء الله


سميها زى ماتسميها .. قراقيش بالعجوة .. كعب غزال..المهم ان طعمها خيال hopeless


أول حاجة لازم تعرفيها يا أختي انتي وهي طبعا  المقادير
والمكيال اللي هتستخدميه هو كوب الشاى اللي على شكل المج الزجاج


المقادير :
1 ك دقيق

كوب وربع سمن بلدى
3\4 كوب زيت
2 ملعقة خميرة كبيرة
كيس بيكنج باودر
فانيليا
4 ملاعق سكر كبيرة
ملعقة صغيرة ملح
نصف ك سمسم
بيضة
ولبن دافى حسب الحاجة تقريبا كوب ونصف


الطريقة :

1.نحط الخميرة ومعلقة سكر ونخمرهم بمماية دافية
2.نسخن السمن والزيت
3.نحط الدقيق والبيكنج باوددر والملح مع بعض
4.نعمل حفرة ف الدقيق ونحط فيها السمسم
5.نحط السمن والزيت فوق السمسم ونقلب بمعلقة خشب لحد ما الدقيق يتشرب
6.نحط الخميرة ونعجن
7.ندفى اللبن ع النار ونحط معاه باقى السكروالفانيليا ونعجن بيه لحد مالعجينة تبقى حلوة وطرية
8.نسيب العجين يخمر لحد مانحضر الحشو

الحشو :

نصف ك عجوة
معلقة سمن بلدى
قليل من الماء الساخن
شوية سمسم
ومعلقة حبة البركة

نفرم العجوة ونحط المية الدافية والسمن فى الكبة عشان تمشى وتلف لحد ما العجوة تبقى طرية ومفرومة كويس


هانفرد العجين بسمك نصف سم ونفرد العجوة بالمعلقة ونلفها رول ونقطع وندهنها ببيض معاه شوية لبن وفانيليا وممكن شوية قهوة يدوها لون حلو

نرصها فى صينية وننسيبها تخمر ساعة او اكتر حسب الجو
تخبز فى فرن 200 لحد ماتحمر من تحت ونولع الشواية تحمر الوش
وده شكلها بعد ما طلعت

سميها زى ماتسميها .. قراقيش بالعجوة .. كعب غزال..المهم ان طعمها خيال hopeless

سميها زى ماتسميها .. قراقيش بالعجوة .. كعب غزال..المهم ان طعمها خيال hopeless


-->

ليست هناك تعليقات:

إرسال تعليق