السلام عليكم ورحمة الله وبركاته
طبعا في ناس ممكن يقولو اني غلطت في كتابة العنوان وكتبت حاجة غلط مش كده برضو
بس عارفين انا قاصدة اني اكتب الموضوع ده كده وعارفين ليه لأن النهاردة يوم ميلادي فحبيت اقول لنفسي
كل سنة وانا طيبة بالمناسبة دي وفكرت اجيب لي هدية ايه يا ترى فحبيت اسالكم اجيب لي هدية ايه ويا ترى اعمل زي الناس ما بيعملو في الفيس والمنتديات ويحطو صور أعياد الميلاد او صور كل سنة وانت طيبة ولا حاجة تعالو نشوف كده لو انا هدي نفسي صورة هحط ايه ؟؟
بس قبلها يا بنات عاوزة اقولكم اني فرحت اوي لما لقيت جوجل عاملة احتفال بعيد ميلادي مش مصدقين صح ؟؟
هوريلكم الصورة
صدقتوني بقى
بس هقولكم على حاجة تانية رغم ان الصورة دي محدش هيشوفها غيري تقريبا الا اني اتبسطت وزعلت برضه اتبسطت لان عيد ميلادي جوجل اهتمت بيه وزعلت لان اقرب الناس ليا مفكروش حتى يقولو كل سنة وانتي طيبة الا لما فكرتهم
عشان انا مش مستنية حد يقدرني قررت اقدر نفسي واجيب لي هدية
وبعيد عن الصور والكلام الكتير انا فعلا قررت اجيب لي هدية لكن ايه يا ترى ؟؟؟؟
عموما فكرو وقولولي
ولحد ما اشوف هجيبلي ايه هقولي كل سنة وانا طيبة
-->
ليست هناك تعليقات:
إرسال تعليق