السبت، 3 نوفمبر، 2012

طريقة عمل الملوخية بالأرانب والملوخية العادية

-->

بسم الله الرحمن الرحيم 

السلام عليكم ورحمة الله وبركاته 


ازيكم يا أحلى بنات وستات في الدنيا النهاردة هقولكم طريقة عمل الملوخية بالأرانب وان شاء الله هتعجبكم أوي أهم حاجة ان الملوخية تكون حلوة وخضراء ومرعرعة مش صفراء ودبلانة  طبعا زي ما انتو عارفين الحكاية مش طالبة مقادير ندخل علطول في طريقة التحضير 




هتجيبي الملوخية وتقطعيها وتشيلي منها العروق الطويلة دي وتخلي الورق بس بعد كده تغسليها علشان تنضف كويس من الطين والتراب اللي عليها وبعد كده تسيبيها تنشف المية في الشمس شوية بس متسيبيهاش تدبل يعني المية تنشف منها بس في ناس بتحب تسيبها تحت المروحة بس طبعا بتطير وتبهدل الدنيا 

بعد كده هتخرطيها بالمخرطة أو الكبة حسب اللي متوفر عندك طبعا هتكوني عاملة الأرانب ومطلعاها من الشوربة تجيبي فصين توم حلوين كده وتدقيهم جامد يبقو مفرومين كده مع معلقة سمنة صغيرة وتقلبي فيهم التوم لحد ما يدبل بس ميصفرش ولا ينشف وبعد كده تروحي طشاه بالشوربة بتاعة الأرانب اللي طبعا مغلية من قبل كده وتحطي الملوخية علطول وتلقبي تقليبتين كده لحد ما تبقى مزيج علشان لو زودتي عن كده الملوخية بتقطع ومبتكونش حلوة وطبعا تقفلي البوتاجاز 
لو عاوزة الملوخية بأي نكهة تانية يعني فراخ او لحمة هتبدلي مكان شوربة الأرانب الشوربة اللي انتي عاوزاها 

وبالهنا والشفا
-->

ليست هناك تعليقات:

إرسال تعليق