الثلاثاء، 23 أكتوبر، 2012

فته اللحمه .......ع طريقتي الخاصه

فته الحمه .........طبعا كلنا داخليين العيد وبعد صيام ذي الحجه .......عايزين نتغذي بقي

هنعمل مع بعض احلي فته ان شاء الله وسهله جدااااااااااااااا........ومش هتاخد وقت طويل معاكي .........

المكونات:
4ارغفه عيش  + ثوم مفروم  + بصله متقطعه علي هيئه دواير       + زبده + طبعا تجهزي رز ابيض او زي ما تحبي رز بسمتي .........+ طبعا الوجبه ارئيسه اللحمه الضاني او اي لحوم حمراء .......وتجهزي معاكي حبان ومستكه

(في بعض الاحيان استخدام الصلصه ودي بردو طريقه في الحاله دي تجهزي معاكي طماطم )

الطريقه:

جهزي العيش ضعيه في الفرن .عشان يتحمص كويس اوي ويكون مقرمش معاكي  بعد كسري العيش لقطع اصغر 



وتكوني مجهزو معاكي زيده علي النار وعليها فصين من الثوم  وتدهني بالسمنه والتوم العيش بعد ما يطلع من الفرن وتكسريه( كده خلصنا العيش )

نشوف بقي الحمه ......بصي يا سيتي هتجيبي الحله بتاعتك وحطي فيها الزبده  وحطي كمان معاه الحبهان والمستكه والبصل اللي متقطع دواير وشوحيه كويس اوي وبعدين حطي معاه اللحمه والثوم وكملي تشويح لمده 5 دقايق وبعدين حطي المياه عشان اللحمه تستوي ...............

طيب في ناس بتحب الفته مع الصلصه ......هتعرفي معايا احلي طريقه لصلصه
هاتي 3ثمرات من الطماطم واخلطيهم في الخلاط كويس اوي
يكون عندك طاسه وحطي فيها بصله مفرومه مع ثوم مع الزبده وشوحيهم كويس وعليها حبهان ومستكه
بعد التشويح حطي عليها الطماطم وبعد دقيقيتين حطي عليها  3 ملاعق خل +  ملح ونص ملقعه سكر صغيره + الفلفل الاسمر والبابريكا الحمرا وبالهنا والشفا

التقديم : حطي الارز وعليه العيش المتحمص والصلصه الذيذه  وملعقتين من الشوربه ( طبعا بالكبشه مش ملاعق صغيره ) وفوق كل ده اللحمه وبالف هنا

(
طبعا عايزه تضيفي بهارتك الخاصه مع الصلصه او اللحمه ضيفي براحتك  كله ده بيعطي نكهات اقوي للحمه  زي ورق المرمريه او قرنفل او شمر او كزبره او كمون كل ده متاح )

هناك تعليقان (2):