الثلاثاء، 23 أكتوبر، 2012

طريقه عمل اللحمه البارده .........


اللحمه البارده ............ياه الطعم اللذيذ ................ازاي نعملها خليك معنا هنظبطك .........
هتعرفي ازاي تبردي اللحمة وتحفظيها 



المقادير :
عرق لحمه ( اطلبيه من عند الجزار علي حسب الوزن اللي انتي محتاجاه)


خيط الجزار ( نطلبه من عند الجزار برضه او دباره  )

8 فصوص ثوم ( ممكن نزودهم حسب الطلب)

3 معالق كبيرة سمنة

ملح / فلفل اسود / بهارات / حبهان

خضار مختلف ( جزرة مقطعة / بطاطس مقعة / بازلاء / اي خضار تحبي تضيفيه )



الطريقه :
بصي ياسيتي هنخرم اللحمه بطرف السكينه باماكن مختلفه  وحطي في كل خرم فص ثوم ويكون متبل بالفل والملح والبابريكا كمان
في نفس الأماكن اللي حطينا فيها الثوم ممكن نحط الحبهان , بس يفضل منكترش من الحبهان

نلف اللحمة بخيط الجزار ( فيه ناس بتلفها بدوبار , بس خيط الجزار أحسن لأنه حاجه طبيعية و هتدي طعم لذيذ)
عد لما نلف اللحمة كوس بحيث ان الثوم ميطلعش ولا يقع منها نبدأ نسخن السمنه في قلاية غويطه و نحط فيها عرق اللحمة
نبدأ في الأول نشوح اللحمة , نقلبها على كل جنب لحد لما كلها تتشوح , بعد كدا نغطيها 10 دقايق لحد لما تبدأ تنزل الميه بتاعتها
نحط قطع البطاطس و الجزر و الخضار , بس منحطش كتير , عشان يستوي كويس , يعني مجرد قطع قليلة و بسيطة تضيف طعم بس
نضيف الملح و الفلفل بتاعنا و البهاراتوتبصي عليها كل شويه بحيث كل ما تشرب مياتها تضيفي لها ماء بالتدريج
ودايما اختبري سوي اللحمه بالشوكه لما تلاقيها بقت استوت كويس شليها من النار
هي تقريبا بتاخد 45 دقيقه

أول ما تستوي , نرفعها و نصفيها من الصوص بتاعها , و نستنا انها تبرد و نقطعها شرائح (ممكن بعد لما نطلعها من النار نحطها في الفرن فوق 5 دقايق على الشواية العلوية عشان وشها ينشف و يتحمر , بس دي حاجه اختيارية )
بنحطها في اطباق و نصب عليها من الصوص و نحط حواليها البطاطس و الجزر و الخضار اللي كان معاها


ان شاء الله مع احلي دنيا هنعرفك بهارات وخلطات سريه جدااااااااااااااا بتاعه الطباخيين والمطاعم الجامده المشهورة ........ده مش كلام دي حقيقه هي بهارت عاديه جدا بس لما تتخلط بتدي مذاق تاني ...............استنوناااااااااااااااااااااااااا

ليست هناك تعليقات:

إرسال تعليق